Catatan Syahied

 Pae' ja' dhuli Palowa, Manes ja' dhuli Kalodu' Parebhasan aneka, tamaso' jughen nasehat dha' sadhejenah oreng, Toa, ngode, kana', lake' tor bini' sopaje tak gempang Partaje dhe' sadhejenah bher-kabher se ekaolle dheri pasera bhei sabelunna maste'e kabdhenderrenna dheri kabher se ekaolle aneka.  P ae' ja' dhuli palowa, engghi panéka mon bede kabher jube' aja' dhuli partaje tor tanoro' peggel, ngamok tor majube' ponapa se ekabherin ghanéka. M anes ja' dhuli kalodu', engghi panéka tabeligghe dheri se awwèl. Manabi bede kabher bagus aja' ghempang tanoro' dhabuna oreng se aberri' kabher aneka. N aah, maksod épon engghi anéka ma’le lebbih ngastete dhalam aténgkan saos dhelem lésan tor téténgkan. Manossa se paleng bhagus enggi panéka se paleng pélak akhlak ghe.

 Bapa' Babu' Guru Rato by Muhammad Syahied Hidayatullah Bapa', Babu', Guru, Rato enggi panéka Parebhasan otabe nasehat dhéri pangaseppo neng madhure se ampon ekaoningi sarèng sadhèjè oreng Madhure. Manabi édhebuwegi dhe' sadheje oreng se seppo ponapa maksod dheri Parebhasan ghenéka, paste oneng. Korang oneng manabi parebhesan ghenéka etanya'aghi dhe' ka Nak-kanak e jaman samangkén. Toré nika maksod epon Parebhasan neng attas. Bapa', Babu', Guru, Rato paneka 4 oreng se bhakal deddhi Jelen  Palang otabe jelen Pojurre oreng dhelem kaodi'en neng e dhun'nya menorot nasehat dheri pangaseppo neng Madhure. Maksod epon Jelen Palang, engghi paneka Bhakal deddiye jelen Palang dhe' ka sadhejena oreng se tak toro' oca' otabhe Norot dhe' ka 4 oreng néka. Bapa' (Ayah/Father), Babu' (Ibu/Mother), Guru (Guru/Teacher), Rato (Raja/King). Sabheligge, Bhakal dheddiye jelen Pojurre Dhelem odi' manabi toro' oca' dhe' ka 4 ore